Tilsette
Jori Solstad Skorve
Dagleg leiar/Fysioterapeut
Jori har vore dagleg leiar sidan 2014. I tillegg er ho fysioterapeut og instruktør. Jori har idrett- og pedagogikkutdanning frå Høgskulen i Sogn og Fjordane, og fysioterapiutdanning frå Høgskulen i Bergen. Ho har jobba som treningsinstruktør på ulike treningssenter sidan 1997, og er lisensiert instruktør for ulike gruppekonsept.
Du møter Jori på BodyBalance, LHL, sykkel og styrke.
Marita Kveane
Avdelingsleiar Trening
Marita er utdanna Helse- og treningsfysiolog og Personleg Trenar frå Høgskulen i Sogn og Fjordane (no Høgskulen på Vestlandet). Marita byrja som instruktør på Luster Trening i 2017, og har hatt fast stilling sidan hausten 2018.
Du møter Marita på X-fit, Sykkel, Styrke, Sterk Mamma, Sirkeltrening, Seniorsirkel og Aerobic.
Marita er i permisjon fram til februar 2026.
Anna Marita Oma
Resepsjon- og kundeansvarleg
Anna Marita er utdanna Helse- og treningsfysiolog frå Høgskulen på Vestlandet, og har eit årsstudium i pedagogikk. Anna Marita byrja som instruktør og resepsjonsmedarbeidar på Luster Trening i 2020, og gjekk inn i fast stilling i august 2024.
Du møter Anna Marita på Sykkel, Styrke, Sirkeltrening, Aerobic, Seniorsirkel, Sterk Mamma, X-fit og Step.
Anette Stegegjerdet Norberg
Gruppetreningsinstruktør
Anette jobbar som advokat ved Vestland Fylkeskommune, og bur i Gaupne med mann, katt og to fine jenter. Ho har eit stort engasjement for lokalsamfunnet i Luster som ho lev ut som kommunestyrerepresentant, og som styremedlem innan bank og beredskap.
Anette har jobba hos oss sidan 2011. Før ho starta hos oss har ho jobba ved SATS i Bergen og Spenst i Førde, og har heile vegen drive mest med ulike former for «hopp-og-sprett».
Du møter Anette på Salmix!
Linda Goldmann
Gruppetreningsinstruktør
Linda jobbar som Helsefagarbeidar på Gaupne Omsorgssenter, og er sensor for Helsefaget ved Vestland Fylkeskommune. På fritida er ho leiar og fyrstehjelpsinstruktør i Luster Røde Kors, og brenn for å formidle viktigheita av fyrstehjelp og tryggleik.
Linda er tidlegare Vanngyminstruktør ved Lustrabadet KF, og byrja som instruktør på Luster Trening i 2019. På Linda sine timar er det alltid masse energi!
Du møter Linda på Sykkel og Styrke
Ingrid Alme
Gruppetreningsinstruktør
Ingrid arbeidar på Digital Etikett, og er i tillegg aktiv i både bygdelag og ungdomslag i Luster. Med andre ord ei dame med mange jern i ilden, ho også!
Ingrid har tidlegare vore danseinstruktør for barn og ungdom, og har mykje erfaring med koreografi og trening til musikk. Ingrid møter du på Step!